रौतहट — रौतहटको चन्द्रपुर–१० खौराहा गाउँस्थित गोठघरमा अवैध रूपमा लुकाइराखेको चिरान काठ प्रहरीले बरामद गरेको छ । इजाजत पत्रबिना राखिएको उक्त काठ प्रहरीको चेतनगर चौकीबाट खटेको टोलीले आइतबार मध्यरातमा बरामद गरेको हो । चन्द्रपुर–१० खौराहास्थित बच्चाई साहको चिरान मिलनजिकको गोठघरमा अवैध रूपमा चिरेर लुकाइराखेको बाझिएको चौकोट २५ र २ थान गोलिया गरी ३१्३३ क्युफिट काठ बरामद गरेको इलाका प्रहरी चन्द्रनिगाहपुरले जनाएको छ ।उक्त काठको मूल्य ७० हजार रुपैयाँ रहेको प्रहरीले जनाएको छ । बरामद काठ आवश्यक कारबाहीका लागि सोमबार डिभिजन वन कार्यालय चन्द्रनिगाहपुरमा बुझाएको छ । केही समययता जिल्लामा अवैध काठको ओसारपसार बढेको पाइएको छ ।
डिभिजन वन प्रमुख सुनिलकुमार कर्णले राष्ट्रिय वनबाट अवैध रूपमा काठ ओसारपसार गर्नेविरुद्ध कडा निगरानी रोखेको बताए । ‘हामीले जिल्लाभित्रका चिरान मिलहरूका समेत चोरीका काठहरू छरछैन भनेर निगरानी राखेका छौँ,‘उनले भने,‘बिनाइजाजतपत्रका काठ फेला पारे कारबाही गर्छौं ।’
