रौतहट,०५असार
रौतहटको चन्द्रपुर नगरपालिका ४ स्थित पूर्वपश्चिम राजमार्गको मुख्य चोकबाट एक जना लागुऔषध कारेबारी पक्राउ परेका छन् । चितवनको भरतपुरबाट गाईघाट जाँदै गरेको बसलाई चेक गर्ने क्रममा प्रहरीले गाँजासहित एक जनालाई पक्राउ गरेको छ ।इलाका प्रहरी चन्द्रनिगाहपुरले गाईघाट जाँदै गरेको ना ५ ख ४९६२ नम्बरको यात्रुवाहक बसलाई रोकी चेक गर्ने क्रममा सोमबार साँझ मकवानपुर हेटौंडा हरिहरगढी गाउँपालिका–१ का ३० वर्षीय शिशिर बम्जनले बोकेको झोलाभित्र गाँजा बरामद गरेको हो। झोला खोलेर हेर्दा रातो प्लास्टिकले बेरिएको अवस्थामा ५ किलो गाँजा फेला पारेको इलाका प्रहरी कार्यलय चन्द्रनिगाहपुरले जनाएको छ । पक्राउ परेका बम्जनका बारेमा लागूऔषधसम्बन्धी अनुसन्धान भइरहेको इलाका प्रहरी कार्यलय चन्द्रनिगाहपुरका प्रहरी निरीक्षक ठाकुर सापकोटाले साझावाणी दैनिकलाई जानकारी दिएका छन् ।
