१० फल्गुन,रौतहट// नेपाल आईसीसी ग्लोबल ट्वान्टी–२० विश्वकप छनोटको सेमिफाइनलमा प्रवेश गरेको छ । ओमानले फिलिपिन्सले दिएको ३७ रनको लक्ष्य १७ बलमै पूरा गरे पनि नेट रनरेटमा नेपाललाई नभेट्ने निश्चित भएको छ । पहिलो दुई खेल जितेको नेपालको क्यानडासँगको खेलअघि ४.३७५ रनरेट छ । फिलिपिन्समाथि एकतर्फी विजयी हात पारे पनि सबै ३ खेल खेलेको ओमानको १.६५० रनरेट रहेको छ ।समूह बी को विजेता र उपविजेता भने निर्क्यौल हुन बाँकी छ ।समूह चरणको अन्तिम खेलमा नेपाललाई क्यानडाले ८१ रनको सामान्य लक्ष्य दिएको छ । ओमानको मस्कटमा टस जितेर ब्याटिङ गर्ने निर्णय गरेको क्यानडा १५ ओभर खेली केवल ८० रनमा अलआउट भयो ।
