रौतहट: रौतहटमा एक दैनिक पत्रिका थपीएको छ । चन्द्रनिगाहपुर बाट प्रकाशन हृुने तपाईको पत्रिका दैनिकको आज बाट शुभारम्भ भएको छ । नेपाल पत्रकार महासंघका केन्द्रिय सदस्य शिव पुरीले नौलो शैलीमा नावालिक एक कन्याको निधारमा टिका लगाएरउदघाटन गरेका हुन् ।
शुभारम्भ कार्यक्रममा रौतहटको पत्रकारिता जगतमा छापा माध्यममार्फत समाजका सवैखाले आवश्यकतामा सकारात्मक प्रभाव रहोस् भन्ने आशयका साथ प्रमुख अतिथि रहेका शिव पुरीले आगामी दिनमा आफ्नो काम र कार्यमा यस पत्रिका अघि बढोस भनी शुभकामना ब्यक्त गरेका थिए । पत्रिकाको उदघाटन समारोहमा डिभिजन वन कार्यालय,सडक डिभिजन कार्यालय र विभिन्न संचारकर्मीको उपस्थिति रहेको थियो । विधिवत रुपमा आज बाट प्रकाशन थालेको यस पत्रिकाले समाजमा घटेको घटना,बेथिति,अनियमितता र दुरदराजका नागरीकको आवाजलाई छापामाध्यम बाट बुलन्ध गदै्र अघि बढ्दै जाने तपाईको पत्रिका दैनिक का सम्पादक मनोज तिमल्सिनाले बताए ।
