एक जनाको सनाखत हुन सकेन
गरुडा,१३ पुष
रौतहटमा जन्ति लिएर घर फर्कदै गरेको गाडी दुर्घटनामा परेका थप एक जनाको मृत्यु भएको छ ।मृत्कको संख्या ५ पुगेको छ ।
गढीमाई नपा गम्हरिया टोलबाट परोहा नपाको नरकटिया टोलमा जन्ती लिएर हिडेको भारतीय गाडी बिआर०५ पिए ६९५३ नम्बरको रातो स्कारपियो फर्किने क्रममा आफैँ अनियन्त्रित भई दुर्घटनामा परेको थियो ।
गाडीमा सवार ९ जनामध्ये गढीमाइ नगरपालिका ३ का १६ वर्षीय सेख नौसाद, २२ वर्षीय सेख सैनुल्लाह, ५५ वर्षीय मारूफ मियाँ अन्सारी र २५ वर्षीय सेख छोटुको मृत्यु भएको इलाका प्रहरी कार्यालय गरुडाका प्रहरी नायव उपरीक्षक(डिएसपी) श्रीराम भण्डारीले जानकारी दिए । मृतक एक जनाको भने सनाखत हुन सकेको छैन ।
गाडी तीव्र गतिका कारण बिजुलीको पोलमा ठोक्किएर सडकबाट झण्डै २० फिट तल खसेको प्रहरी नायब उपरीक्षक भण्डारीले बताए । उनका अनुसार घाइते ४ जनाको गरुडास्थित ग्रान्डी अस्पतालमा उपचार भाइरहेको छ ।
यो पनि
https://www.esajhavanidainik.com/archives/5417
