रौतहट,१३ पुष
रौतहटको गरुडा नगरपालिका १ स्थित गौर चपुर पर्ने जयनगर सडक खण्डमा बिवाहको लागी हिडेको भारतीय सवारी दुर्घटना हुँदा ४ जनाको मृत्यु भएको छ । दुर्घटनामा परी तीन जना घाइते भएका छन् । दुर्घटनामा मृत्यु भएकाहरुको सनाखत हुन सकेको छैन ।
गौरबाट गरुडातर्फ आउँदै गरेको बिआर०५ पिए ६९५३ को भारतीय नम्बर प्लेटको पिकअप मंगलबार दिउँसो सवा ४ बजे सडकबाट झण्डै २० फिट तल खस्दा ४ जनाको मृत्यु भएको जिल्ला प्रहरी कार्यलय रौतहटले जनाएको छ । प्रहरीका अनुसार दुर्घटनामा घाइते भएका चारै जनाको उपचारको क्रममा मृत्यु भएको हो । मृतक सबै भारतीय नागरिक हुन सक्ने प्रहरीको अनुमान छ ।
पिकअप अनियन्त्रित भई सडकबाट तल खसेको प्रहरीले अनुमान लगाएका छन्। घाइते ३ जनाको गरुडा स्थित ग्रण्डि हस्पिटलमा उपचार भइरहेको छ ।
थप बिवरण आउन बाकिँ
