१ मंसिर,रौतहट
सर्लाहीको ईश्वरपुरमा मोटरसाइकल दुर्घटना हुँदा दुई युवकको मृत्यु भएको छ ।
मृत्यु हुनेमा जिल्लाको ईश्वरपुर नगरपालिका १२ का २२ वर्षीय सुरज मुर्मथान मगर र सोही स्थान बस्ने मुकेश निमेल रहेका छन्।
ईश्वरपुर नगरपालिका(१२ घारीबथानस्थित भित्री सडक खण्डमा अनियन्त्रित भई प्रदेश २–०३–००४ प ९५३९ नम्बरको मोटरसाइकल दुर्घटना हुँदा उनी दुवै जना गम्भीर घाइते भएको सर्लाहीका प्रहरी प्रबक्ता माधव प्रसाद बुढाथोकीले जानकारी दिएका छन् ।
मोटरसाइकल अनियन्त्रित भई रुखमा ठोक्किँदा टाउकोमा गम्भीर चोट लागेका मगरलाई उपचारको लागि गढीमाई अस्पताल लालबन्दी ल्याएपनि चिकित्सकले मृत घोषणा गरेका थिए ।
बुढाथोकीका अनुसार निमेललाई दाहिने तिघ्रा भाँचिएर टाउकोमा गम्भीर चोट लागेको थियो। उनको नेशनल मेडिकल कलेज वीरगञ्जमा उपचारकै क्रममा मृत्यु भएको प्रहरीले जनाएको छ ।
