सर्लाहीःसर्लाहीको बरहथवा नगरपालिकामा दुई आमासहित बच्चा मृत अवस्थामा फेला परेको छ । बरहथवा नगरपालिका–१ मा छोराछोरीसँगै आमा मृत अवस्थामा भेटिएको जिल्ला प्रहरी कार्यालय सर्लाहीका प्रवक्ता (डिएसपी) माधवप्रसाद बुढाथोकीले बताए ।बरहथवास्थित हजरियामा बस्ने शिव हजारीका २६ वर्षीया पत्नी कविता घरभित्र झुण्डिएको अवस्थामा फेला परेकी हुुन् । उनी झुण्डिएको ठाउँमा ८ वर्षीया छोरी र ५ वर्षका छोराको शव भेटिएको छ ।
उनीहरुको शरीरमा चोटपटक नदेखिएको र शव पोष्टमार्टमका लागि जिल्ला अस्पताल मलंगवामा राखिएको डिएसपी बुढाथोकीले बताए । मृतक महिलाका श्रीमान वैदेशिक रोजगारीमा छन् । घटनाबारे अनुसन्धान भईरहेको जिल्ला प्रहरी कार्यलय सर्लाहीले जनाएको छ ।
