रौतहट , १३ मङ्सिर
जिल्लाको देवाही गोनाही नगरपालिकामा तीन बिगाहा खेतमा फलेको धानमा आगलागी भएको छ ।
देवाही गोनाही–७ प्रेमपुर गोनाहीका बुधाई राय यादवको दाँई गर्न भण्डारण गरि राखिएको धानको भारीमा आगलागी भएको हो ।
आगलागी बाट भण्डारण गरि राखेको ६४० वटा धानको भारी बोझा पूर्णरुपमा जलेर नष्ट भएको पीडित परिवारले बताएका छन्।
तीन बिगहा धानको भारी जल्दा २ लाख ५० हजार भन्दा बढीको क्षति भएको यादवले बताएका छन्।आगलागी भएको खवर पाउन साथ नजिकमा रहेको सुरक्षाकर्मी सहित गौरबाट आएको बारुण यन्त्रको मद्दतबाट आगोलाई नियन्त्रण गर्न सकियो तर धानलाई जोगाउन नसकिएको इलाका प्रहरी कार्यालय गरुडाको डिएसपी श्रीराम भण्डारीले बताएका छन्।
धानको भारीमा कसैले आगो लगाएको हुनसक्ने आशंका व्यक्त गर्दै घटनाको अनुसन्धान भैरहेको डिएसपी भण्डारीले जानकारी दिएका छन् ।
