रौतहट:रौतहटको कटहरियास्थित एक बिध्यालयमा १२० छात्रालाई निशुल्क साइकल वितरण गरीएको छ । जनता माध्यमिक विद्यालयको प्राङ्गणमा एक समारोहका बीच कटहरीया नगरपालिकाका प्रमुख सियाराम कुश्वाहाले १२० छात्रालाई निशुल्क साइकल वितरण गरेका छन् ।
प्रदेश २ को ‘बेटी पढाउ बेटी बचाउ’ कार्यक्रममा मेयर कुश्वाहा, नगर प्रवक्ता चन्दन कुश्वाहा र प्रमुख प्रशासकीय अधिकृत रामप्रकाश साहले उक्त साइकल वितरण गरेका हुन् ।
श्री जनता उच्चमावि कटहरियाका प्राचार्य योगेन्द्र कुश्वाहाको अध्यक्षतामा सम्पन्न साइकल वितरण समारोहमा स्थानीय विभिन्न राजनीतिक दलका नेता, शिक्षक तथा छात्र छात्राहरुको सहभागिता रहेको थियो ।
