रौतहट// रौतहटमा खोलाले बगाउँदा एकको मृत्यु भएको छ । मृत्यु हुनेमा जिल्लाको चन्द्रपुर नगरपालिका वडा नम्बर ३ गैंडाटारका १४ वर्षिय सुकराम ठोकर रहेका छन् ।
उनको स्थानीय चाँदी खोला तर्ने क्रममा बाढीले बगाउँदा मृत्यु भएको हो । खोलाले बगाएर वेपत्ता बनाएको उनको शव आइतबार बिहान बगाएको स्थानबाट करिब ३ किलोमिटर टाढा फेला परेको स्थानीय ले जानकारी दिए।
गैंडाटारबाट आफ्नो घर चिसापानी जाने क्रममा बीचमा पर्ने चाँदी खोला तर्नेक्रममा मृत्यु भएको स्थानियले बताएका छन। उक्त स्थानमा पुल नहुँदा बर्खाका ओहोरदोहोर गर्न स्थानीयलाई सास्ति पर्ने गरेको छ ।
