१०,असोज
देश भरीनै नेकपा एमालेको वडा,गाउ नगर,जिल्ला को बिस्तारीत बैठक तिब्र रुपमा गर्दै छ ।
नेपाल कम्युनिष्ट पार्टी एमालेको चन्द्रपुर नगर कमिटिको विस्तारित बैठक आईतवार सम्पन्न भएको छ । रौतहटको चन्द्रपुर नगरपालिकाको वडा नम्बर ४ स्थित हिमालयन होटलको सभा हलमा सम्पन्न सो बैठकले निर्धारित समयमा नै टोल , गाउँ , वडा तथा नगर भेलाहरु सम्पन्न गर्ने निर्णय गरिएको नगर सचिव राजु तिवारीले जानकारी दिनु भयो । नेकपा एमालले आउदो कार्तिक ६ गते एकै दिन सबै वडा अधिबेसन गर्ने र कार्तिक ९ गते नगर अधिबेसन सम्पन्न गर्ने नेकपा एमाले चन्द्रपुरलले जनाएको छ ।
अधिबेसन हुनु भन्दा अगाडी टोल भेला , वडा भेला लगायतका कार्यक्रमहरु निरन्तर चलिरहने सचिव तिवारीले बताउनु भयो । नेकपा एमालेका केही नेता तथा कार्यकर्ताहरुले पार्टीलाई धोका दिदैमा केही प्रभाव नपर्ने र गाउँगाउँमा सक्रियताका साथ अगाडी बढ्न प्रमुख अतिथि केन्द्रिय सदस्य श्रीकाजी मोक्तानले आग्रह गर्नु भयो । चन्द्रपुर नगर कमिटि अध्यक्ष शिव आचार्यको सभाअध्यक्षमा सम्पन्न सो बैठकमा जिल्ला अध्यक्ष तुलसी गिरि , प्रदेश २ सदस्य उद्धव रेग्मी , राजु धामी , खड्ग बहादुर बम्जन , यमलाल गोले , प्रमोद चौधरी , अकलेस चौधरी , बैजनाथ सहनी , लगायत निर्वाचित जनप्रतिनिधिहरु सरस्वती खुलाल , प्रेम कुमारी तिमल्सिना , शान्ति विक , अजय चौधरी , रामाकान्त चौधरी , गोविन्द तिमल्सिना ,जिस्मिता विक र भिम कहादुर तिमल्सिनासहित स्थानिय एमाले नेता तथा कार्यकर्ताहरुको उत्साहजनक सहभागीता रहेको थियो ।
