२१भाद्र,रौतहट
भदौ २० गते देखि २७ गते सम्म संचालन हुने उक्त फुटवल प्रितियोगिताको उद्घाटन गुजरा नगरपालिकाका निमित्त प्रमुख प्रशासकिय अधिकृत बिनोद कुमार जयसवालले गरेका थिए । उद्घाटन कार्यक्रमका प्रमुख अतिथि समेत रहेका जयसवालले फुटवल खेलले गुजरा नगरपालिकालाई चिनाएकोमा गर्व गरेका थिए । साथै अगामी दिनमा फुटवल लगायत अन्य खेलकुद विकासका लागि आफू लागिपर्ने प्रतिबद्धता समेत ब्यक्त गरेका छन् । जिल्ला स्तरिय नकआउट फुटवलको उद्घाटन खेलमा पशुपति युवा क्लव जंगलसहिया विजयी भएको छ । यूनाईटेड यूवा क्लव गुजरा–२ कटानीको आयोजनामा संचालित फुटवल प्रतियोगिताको आईतबार भएको उद्घाटन खेलमा यूनाईटेड यूवा क्लव कटानी– बी टीमलाई हराउदै पशुपति युवा क्लव जंगलसहिया विजयी भएको हो । खेलको ६१ औं मिनेटमा १३ नम्वरका ओम धामीले गोल गर्दै पशुपति युवा क्लव १–० ले विजयी गराएका थिए । १२ वटा टिमको सहभागिता रहेको सो फुटवल प्रतियोगितामा सोमबार आजको खेल चिडियादह युवा क्लव चन्द्रपुर र न्यू रोयल स्टार जनप्रिय युवा क्लव भवानीपुर बीच हुने आयोजकले जनाएको छ ।
युनाइटेड युवा क्लबद्वारा आयोजित जिल्ला स्तरीय नकआउट फुटबल प्रतियोगितामा खेलाडी बहिनीहरुलाई जर्सि चन्द्रपुर ०६ निवासी श्रि विशाल लामा ज्युले प्रद्घान गर्नुभयो ।
