१७साउन ,काठमाडौं
गायक सम्राट चौलागाइँले करिब पाँच पहिना पहिले ुसम्झिनी पानी छम्किनीु बोलको गीत दर्शकमाझ ल्याए । युट्युवमा यो गीतलाई हालसम्म ८० लाख बढि पटक हेरिएको छ । यो बीचमा सम्राटले नजिकिँदो हरितालिका तीजलाई लक्षित गर्दै सोहि गीतको ुतीज भर्सनु सार्वजनिक गरेका छन् ।
शनिबार राजधानीमा आयोजित एक कार्यक्रमकाबीच गीतको भिडियो रिलिज गरियो । यसपालिको तीजमा सम्झिनी पानी छम्किनीु बोलको गीतमा मल्टिस्टार कलाकालाई एकसाथ पर्दामा उतारिएको छ । विक्रम स्वारले निर्देशन गरेको गीतको भिडियोमा अभिनेता भुवन केसी, अभिनेत्री निर्देशक दीपाश्री निरौला, अभिनेता आकाश श्रेष्ठ, अभिनेत्री स्वस्तिमा खड्कासँगै गायक सम्राट आंफै पनि फिचर्ड छन्, मोडल गीता ढुङ्गानाको अपोजिटमा ।
चार पुस्ताको प्रतिनिधित्व गराएर तयार गरिएको गीतको भिडियोमा बाल कलाकारहरु जेभिन र जेभिस श्रेष्ठसँगै आस्युमी ढकाललाई पनि देख्न सकिन्छ । ुहाइ बजेटुको भिडियोमा उच्च मेकिङ देख्न सकिन्छ । निर्देशक स्वारले सुन्दर ढंगले कलाकारहरुलाई अभिनयमा पर्स्तुत गरेका छन् । आयोजित कार्यक्रममा अभिनेता भुवन केसी र दीपाश्री निरौंलाले रिल रोमान्सका रमाइला किस्साहरु सुनाए भने ुडान्स स्टेपु पनि सञ्चारकर्मीमाझ देखाए । गायक चौलागाइँले दर्शकको मायाले निरन्तर गायनसँगै अभिनय यात्रामा आफू अघि बढिरहेको बन्दै यो प्रकारको माया पाइराख्ने अपेक्षा राखे ।
गायक सम्राट चौलागाइँकै अफिसियल युट्युव च्यानलबाट इन्टरनेट रिलिज गरिएको भिडियोमा छायांकन नवराज उप्रेतीको छ भने सम्पादन विरवहादुर थारुले गरेका छन् । गीतमा शब्द संगीत पनि गायक चौलागाइँकै छ ।इकागज
