रौतहट, ३० असार
पछिल्लो समय देशभरीनै माओवादी केन्द्रमा प्रवेश गर्नेको संख्या बढ्न थालेको छ । रौतहट संगै बिभिन्न जिल्लामा नेकपा माओवादी केन्द्रमा प्रवेश गर्नेको लक्रो नै लाग्न थालेको छ । रौतहटमा पनि बिभिन्न पार्टिमा आबद्ध भएकाहरु पार्टि त्याग गरी भटाभट नेकपा माओवादी केन्द्रमा प्रवेश गर्न लागेका छन् । यस्तै नेपाली काँग्रेसका एक जना युवा नेता नेकपा माओवादी केन्द्रमा पार्टी प्रवेश गरेका छन् ।गुजरा नगरपालिका ३ का युवा नेता राज कुमार पहरीले नेपाली काँग्रेस परित्याग गरी माओवादी केन्द्रमा प्रवेश गरेका हुन् ।
बुधबार माओवादी केन्द्रको गुजरा नगरपालिका स्तरीय एक कार्यक्रममा केन्द्रिय सदस्य तथा रौतहट जिल्ला इन्चार्ज युवराज भट्टराई (समीर) ले पहरीलाई टिका लगाएर स्वागत गर्नु भएको हो । माओवादी केन्द्रमा प्रवेस गरे संगै पहरीले पार्टी बिधि र बिधान संवत काम गर्ने बताए । देशलाई भ्रष्टचार र अनियमिताको दलदलबाट नेकपा माओवादी केन्द्रले मात्र निकास दिन सक्ने भएकाले माओवादी केन्द्रमा प्रवेश गरेको पहरीले बताए । नगर स्तरी कार्यक्रममा जिल्ला कमिटी सदस्य काजीमान माझी,युवा नेताद्धय वाहीद अंसारी लगाएतको नेताहरुको बाक्लो उपस्थिति रहेको थियो ।
