रौतहटमा बुधबार धान रोप्ने क्रममा ढलेर एक युवकको मृत्यु भएको छ। रौतहटको गौर नगरपालिका ४ टीकुलिया बस्ने धोरा चन्द्रबंसीको २५ वर्षीय छोरा प्रमोद चन्द्रबंसीको धान रोप्दा रोप्दै अचान खसेर मृत्यु भएको प्रत्यक्षदर्सीहरुले बताएका छन् । टिकुलियाका चन्द्रबंसी धान रोपाईका लागी लालबकैया पारी खेतमा गएका थिए । अचनाक खेतमा मृत्यु भएपछि शव पोष्टमार्टमका लागी जिल्ला अस्पताल गौरमा पठाइएको प्रहरीले जनाएको छ । मृ’तक चन्द्रवंशीको शवलाई डुङ्गाको सहायताले गौर ल्याइ आवश्यक छानबिन, अनुसन्धान गरिरहेकाले अहिले नै केही भन्न नसकिने प्रहरीले जनाएको छ ।
