रौतहट २५ असार
रौहतटको चन्द्रपुरमा गएराती १० बजे झडप भएको छ । रौतहटको चन्द्रपुर नगरपालिकाको वडा नम्बर ८ स्थित बस्तिपुर टोलमा राती १० बजे अचानक ६ ओटा मोटरसाइकल र १ ओटा स्कुटरमा आएका एक समुहले सो टोलका श्रीराम चौधरीलाई आक्रमण गर्न खोज्दा स्थानियले प्रतिकार गरेका थिए । प्रतिकारको क्रममा अज्ञात समुहले प्रयोग गरेका सवारी साधनहरु छोडेर फरार भएपछि स्थानियले ध्वस्त हुने गरि ६ मोटरसाइकल र १ स्कुटरमा आगो लगाई दिएका छन । राती प्रहरीको टोली घटनास्थल पुगि अज्ञात समुहको खोजी कार्य गरेको भएतापनि केही तथ्य पत्ता लाग्न नसकेको इलाका प्रहरी कार्यालय चन्द्रनिगाहपुरका प्रहरी प्रमुख डिएपी लिलाराज लामिछानेले बताउनु भयो । स्थानियबिच नै पुरानो रिसइवीका कारण सोही टोलका कुनै एक समुह घटनामा संलग्नता हुन सक्ने प्रहरीको आंकलन रहेको लामिछानेको भनाई रहेको छ । राती स्थानिय सुत्ने तरखरमा रहेदा एक्कासी श्रीराम चौधरीको घरमा अज्ञात समुहले मोटरसाइकल आक्रमण गरेको र स्थानियले सो समुहको प्रतिकार गर्दा सवारी छाडेर उनीहरु फरार भएका थिए ।
