संखुवासभा जिल्लाको मकालु गाउँपालिकामा मंगलबार दिउँसोदेखि परेको असिनाले अरबौंको क्षति भएको छ । मकालु गाउँपालिका वार्ड नं १ देखि ६ का अधिकांश गाउँमा दिउसो २ बजेदेखि ६ बजे असिना पर्दा बालीनाली नष्ट पारेको गाउँपालिका उपाध्यक्ष चमेली राईले जानकारी दिएकी छन्।
असिनाले अलैची, मकै, आलु, लसुन, प्याज, फापर लगायतको नगदेवालीमा क्षति पु्र्याएको छ । वडा नम्बर १, २, ३ र ५ मा बढी क्षति पुगेको छ । चार घण्टासम्म परेको असिना करिब डेढ फिटसम्म जम्दा अझै नबिलेको स्थानीय सुवास पोखरेलले जानकारी दिए ।
असिनाले लगाएको बालिनाली नष्ट गरे पनि क्षतिको मुल्याङकन हुन नसकेको भन्दै तत्काल राहतका लागि पहल गरिदिन उनले प्रशासनसँग माग गरे ।
