३० बैशाख
नायक सलमान खानले चलचित्रमा नायिकासँग चुम्बन नगर्ने बताउँदै आएका छन् । आजका दिनसम्म उनले यो वाचा तोडेका छैनन् । तर, चलचित्र ‘राधे’को ट्रेलरमा भने उनले नायिका दिशा पटानीसँग चुम्बन गरेको देखाइएको छ । योसँगै सलमानले चुम्बन नगर्ने वाचा तोडेको तर्क समेत भयो ।
तर,नायक सलमान खानले भने आफूले चुम्बन नगर्ने वाचा नतोडेको उल्लेख गरेका छन् । उनले भारतीय मिडियासँग कुरा गर्दै भनेका छन्–‘मैले दिशालाई होइन, उनको मुखमा लगाइएको टेपलाई चुम्बन गरेको हुँ । म यो वाचा तोड्ने पक्षमा छैन । सायद,अर्को चलचित्रमा तपाइले नायिका र मेरो विचमा ठूलो पर्दा देख्न सक्नुहुनेछ’।
