बैशाख २०
पहिलो संस्करणको फ्रेन्चाईज फुटबल प्रतियोगिता नेपाल सुपर लिग एनएसएल अन्तर्गत आज एक खेल हुँदैछ ।
त्रिपुरेश्वरस्थित दशरथ रंगशालामा हुने खेलमा एफसी चितवन र विराटनगर सिटी एफसीबीच प्रतिस्पर्धा हुनेछ ।
चितवन र विराटनगरबीचको खेल साँझ ५.३० बजे सुरु हुनेछ ।
आज चितवन पहिलो जित निकाल्ने योजनासहित मैदान उत्रने छ ।
तीन खेल खेल्दा चितवनले जित निकाल्न सकेको छैन । चितवन ३ खेलमा २ अंक जोडेर पुछारमा रहेको छ ।
चितवनले अघिल्ला ३ खेलमा दुई बराबरी र एक हार व्यहोरेको छ ।
ललितपुर र बुटवलसँग बराबरी खेलेको चितवन धनगढीसँग पराजित भएको थियो ।
विराटनगर भने दोस्रो जित निकाल्ने योजनामा रहेको छ ।
विराटनगर ३ खेलमा ४ अंक जोडेर चौंथो स्थानमा रहेको छ ।
आज चितवनलाई हराएर विराटनगर शीर्ष स्थानको धनगढीसँग अंक बराबरी गर्न चाहन्छ । भने
पहिलो खेलमा धनगढीलाई पराजित गरेको विराटनगर दोस्रो खेलमा पोखरासँग पराजित भएको थियो ।
यस्तै तेस्रो खेलमा विराटनगरले बुटवलसँग बराबरी खेलेको थियो ।
