बैशाख । रौतहटको चन्द्रनिगाहपुर न.पा वडा नं ०३ गैडाटारको चादी खोलामा ५ साइकलसहित सालको २४ क्युफिट काठ गएराती बरामत गरिएको छ । रातीको८ बजेको समयमा काठ तस्करहरुले गैडाटारबाट चादी खोलाको बगर हुदै ५ ओटा साइकलमा चिरान काठ ३२ थान सालको काठ चन्द्रपुरतर्फ ल्याउदै गर्दा काठ तस्करहरु साइकल र काठ छाडी फरार भएको फरेष्टर सहेन्द्र झाले बताउनु भयो । बिशेष सुराकीको आधारमा फरेष्टर सहेन्द्र झाको नेतृत्वमा खटिएको गस्ति टोलीले बरामद गरेको छ । बरामत साइकल र काठ आवश्यक कारबाहिको लागि वन डिभिजन कार्यालय रौतहटमा राखिएको वन डिभिजन कार्यालय गैडाटारले जनाएको छ ।
