जेठ १७
कोपा अमेरिका फुटबल ब्राजिलमा आयोजना हुने भएको छ ।दक्षिण अमेरिकी फुटबलको सर्वोच्च निकाय (कन्मेबोल) ले सोमबार कोपा अमेरिका ब्राजिलमा आयोजना हुने जनाएको छ ।
ब्राजिल साविक विजेता समेत हो ।यस अघि कोपा अमेरिका अर्जेन्टिनामा आयोजना हुने तय थियो ।तर, कोरोना भाईरसको महामारीको कारण अर्जेन्टिनाबाट प्रतियोगिता सारिएको हो ।कोरोनाको दोस्रो लहरसँगै अर्जेन्टिनामा फुटबल गतिविधि एक महिनाबाट स्थगित गरिएको छ ।
प्रतियोगिता जुन १३ देखि जुलाई १० सम्म हुने तालिका रहेको छ ।सन् २०२० मै आयोजना हुनुपर्ने कोपा अमेरिका फुटबल कोरोना भाईरसको महामारीकै कारण एक वर्ष पछि सरेको हो । तर, सरकारविरुद्धको चर्किएको आन्दोलनको कारण कोलम्बियालाई सह आयोजकबाट हटाईएको थियो ।
