हेटौंडा, २९ फागुन ।
शनिबार मकवानपुरको मनहरी वडा नम्वर–६ सुनाचुरीमा बस र ट्रक ठोक्किँदा ३ जनाको मृत्यु भएको छ । दुर्घटनामा अन्य १० जना घाइते भएका छन । पुर्व पश्चिम राजमार्ग अन्तर्गत हेटौंडाबाट चितवन हिँडेको ना ४ ख ५१४९ नम्बरको बस र विपरीत दिसाबाट हेटौंडा आउदै गरेको ना ६ ख ८९ नम्बरको ट्रक ठोक्किँदा बसका चालक सहित ३ जनाको मृत्यु भएको हो । मृत्यु हुनेमा बस चालक वीरगन्ज–१५ का ३५ बर्षीय मदन कुमार थापा, बसमा सवार भारत सिस्वाका अभयलाल कुश्वाह र भारत विहारका ४० बर्षीय सुनिल कुमार रहेको जिल्ला प्रहरी कार्यालय मकवानपुरले जनाएको छ ।
