८ फागुन, काठमाडौं । ‘बदला बरिलै’ गायिका देवी घर्तीसँग यस्ता कर्णप्रिगीतहरूको चाङ नै छ । ‘बिर्सियौ कि कुन्नी’, ‘मायाले मन छुन्छ’, ‘गण्डकी पौडेर’, ‘फूलमा माहुरी डुल्ने बेलामा’, ‘हाँस्न सिकायौं’ गीतहरू स्रोताले उधुमै रुचाए ।
‘जिम्मल बा’को आँगनीमा’, ‘यही चाल होला भन्या’भा’ जस्ता रोइला गीत पनि सबैको मुखमा झुन्डियो । ‘उही खोलीमा पानी’ धेरैले गुनगुनाए । भनिहालौं, युट्युबमा करोड क्लब पार गर्ने पहिलो लोकदोहोरी गीत हो यो । एकताका उनी कतिसम्म व्यस्त थिइन् भने एकैदिन आठ वटासम्म गीत रेकर्ड गर्न भ्याइन् ।
