बाराको जीतपुरसिमरा उपमहानगरपालिको नगर उद्योग वाणिज्य संघको मुख्य भवनको दोस्रो तल्लाको छत ढलान सम्पन्न भएको छ । नगर उद्योग वाणिज्य संघको उपमहानगरपालिकाको वडा नम्बर ७ जीतपुरमा रहेको मुख्य भवनको दोस्रो तल्ला छत ढलान सम्पन्न भएको हो ।
करिब ५ महिना पहिले जीतपुरसिमरा नगर उद्योग वाणिज्य संघको मुख्य भवनको पहिलो तल्लाको निमार्ण काम सम्पन्न भएको थियो, पहिलो तल्लाको काम सम्पन्न भए लगतै दोस्रो तल्लाको कामको लागि प्रकृया अगाडि बढाइएको थियो ।
जीतपुरसिमर नगर उद्योग वाणिज्य संघको दोस्रो तल्ला छत ढलान गर्न जीतपुरसिमरा उपमहानगरपालिका वडा नम्बर ७ को वडा कार्यालयले ५ लाख रकम सहयोग गरेको छ साथै नगरका समाज सेवीहरुले पनि ढलानमा आर्थिक र भौतिक सहयोग गरेको नगर उद्योग वाणिज्य संघका अध्यक्ष सन्जय साहले बताउनु भएको छ ।
नगर उद्योग वाणिज्य संघले घर भाडामा लिएर आफ्नो कार्यालय संचालन गर्दै आएको थियो तर अहिले संघको आफ्नै भवनको पहिलो तल्लाको काम सम्पन्न भए पछि संघको कार्यालय आफ्नै भवनमा सरेको जीतुरसिमरा नगर उद्योग वाणिज्य संघका बरिष्ट उपाध्यक्ष मोहन शर्मा लामिछानेले जानकारि दिनु भएको छ ।
