नायिका आँचल शर्माले गायक तथा नायक प्रकाश सपुतसँग दोश्रो पटक भिडियोमा सहकार्य गरिन् । ‘यो विछोड हो कि माया’ बोलको गीतमा प्रकाशसँग काम गरेकी आँचलले भनिन्–‘मलाई उहाँ यति खतरा कलाकार हो भन्ने लागेको थिएनँ । पर्दा अगाडि त उहाँ राम्रो कलाकार हो नै, पर्दा पछाडि पनि उहाँ कुनै न कुनै भूमिकामा डुबिरहनु हुँदोरहेछ । यसैले पनि हामीलाई छायांकन गर्न सहज भयो ।’
तर, प्रकाशले साइकल चलाउन नजान्दा सुटिङ लम्बिएको आँचलले बताइन् । उनले भनिन्–‘साइकल चलाउन नजान्दा उहाँ धेरै पटक लड्नुभयो । यसैले पनि छायांकन एक दिन लम्बियो ।’
